/ கவிதைகள் / மதிலைத் துளைத்த துளி
மதிலைத் துளைத்த துளி
சமூக பிரச்னைகளை அலசி ஆராய்ந்து, சிந்தனைகளை விதைக்கும் வகையில் படைக்கப்பட்டுள்ள கவிதைகளின் தொகுப்பு நுால். ஒவ்வொருவரும் சக மனிதர்களுடன் ஏற்றத்தாழ்வு இன்றி வாழ்வதே உண்மை அன்பு என உரைக்கிறது. வாழ்வில் முன்னேற கனவு காண வேண்டும்; அதே நேரம் கனவாக வாழ்க்கையை எண்ணக்கூடாது என அறிவூட்டுகிறது. பொய்க்கால் குதிரையில் மெய் பாதையை தேடுவது, பிணத்தின் மீது சந்தனம் மணப்பது போன்ற உவமைகள் நயத்துடன் சொல்லப்பட்டுள்ளன. ‘மாமியார் என்ற உறவு நஞ்சல்ல; மருந்து’ என அறிவுரை கூறுகிறது. தீண்டாமைக்கு எதிரான கருத்துகளை துணிவுடன் முன்வைக்கிறது. வாழ்வை மேம்படுத்தும் வகையில் அமைந்த கவிதைகளின் தொகுப்பு நுால். – சிவா
