சந்தநயம் பெருக்கெடுத்து மனதில் பதிய வைக்கும் பாடல்களின் தொகுப்பு நுால்.செய்யுள், புதுக்கவிதை, திரைப்பட பாடல்களில் ஓசை நயம் முக்கியம் என்பதை சுட்டுகிறது. மோனை, எதுகை, இயைபு, முரண்களை அமைப்பதால் இது உருவாக்கப்படுவதை காட்டுகிறது. அவ்வகையில், 2,022 பாடல்கள் புனையப்பட்டுள்ளன.சுவையுடன், ‘பயணத்தில் விழித்திரு; பயத்தை ஒழித்திரு; பண்பற்றதைக் கழித்திரு: பயிராய் செழித்திரு’ என்பது போல் அமைந்துள்ளன. அது போல், ‘அனைத்து நதிகளையும் இணைப்போம்; அவரவர் நாட்டையும் பிணைப்போம்; அகிலமும் ஒன்றென அணைப்போம்; அமைதி ஆற்றில் நனைப்போம்’ என முகங்காட்டுகிறது. கன்னித்தமிழ் கவிதைகளால் சுவையூட்டும் நுால்.– புலவர் சு.மதியழகன்
