/ பயண கட்டுரை / நான் கண்ட கவ்பாய் தேசம் அமெரிக்கா
நான் கண்ட கவ்பாய் தேசம் அமெரிக்கா
அமெரிக்காவில் 63 நாட்கள் பயணம் செய்த அனுபவத்தை உள்ளடக்கிய கட்டுரைகளின் தொகுப்பு நுால். சிவப்பு நிற தண்ணீருடன் ‘ரெட்ரிவர்’ நதி, 2,190 கி.மீ., பயணிப்பதை எடுத்துரைக்கிறது. கால்நடை பண்ணைகளை பராமரிக்கும், ‘கவ்பாய்’ பெயர், பின் கலாசாரமாக மாறியதை கூறுகிறது. கவ்பாய்கள் மாடு, குதிரைகளை கையாள்வதை விவரிக்கிறது. அது உலகில் பரவிய விதத்தை சொல்கிறது. நீள கொம்பு மாட்டின் கலாசார அடையாளம் பற்றி பகிர்கிறது. ஜல்லிக்கட்டு போல் திருவிழா கொண்டாடுவதை சொல்கிறது. ஆடுகளை வேட்டையாடும் காட்டு மிருகங்களை எதிர்க்கும் லாமா என்ற விலங்கு குறித்து கூறப்பட்டுள்ளது. காட்டெருமை வேட்டையின் பின் உள்ள அரசியலையும் கூறும் நுால். – டி.எஸ்.ராயன்
