Dinamalar Books

வள்ளலாரின் வாழ்க்கையை காட்சிப்படுத்தும் நுால். வாசிப்போரை ஊக்கப்படுத்தும் வகையில் கட்டியங்காரன் நாடகத்தை நடத்திச் செல்லும் பாங்கு அருமை. வள்ளலார் ஜோதியில் கலந்தது வரை வரிசையாகத் தெரிவிக்கிறது.
உலகில் 51- ஆண்டுகள் வாழ்ந்த மகானின் வரலாற்றை, 51- காட்சிகளில், 51- பாத்திரங்களோடு மிக நேர்த்தியான காட்சிகளாக அமைந்துள்ளன. முதல் அங்கத்தில் சிதம்பரத்தில் ரகசியக் காட்சி கண்டு அருள் பெற்றதும், வள்ளலாரின் முதல் சொற்பொழிவும் காட்சிப் படுத்தப்பட்டு உள்ளது.
சன்மார்க்க சங்கம் நிறுவியதன் நோக்கம், கடவுளை அன்பால் ஒளி வடிவில் வழிபட வேண்டும்; எவ்வுயிரும் தம் உயிர் போல் எண்ணும் ஆன்மநேய ஒருமைப்பாட்டு உரிமையைப் பின்பற்ற வேண்டும் போன்ற உயர் நெறிகளைக் குறிப்பிடுகிறது. வள்ளலாரின் வரலாற்றை அறிய துணை செய்யும் நுால்.
– பேராசிரியர் இரா.நாராயணன்

வாசகர் கருத்து

No Comments Found!