Dinamalar Books

விசேஷம் இது வித்தியாசம் என்ற பெயரில் தமிழக கோயில்களின் அதிசயத்தக்க வரலாறு, செல்லும் வழி குறித்து எழுதிய செல்லப்பாவின் இரண்டாவது புத்தகம். கர்ப்பிணியாய் கானகம் சென்ற சீதாவின் வயிற்றில் பிறந்த கன்றுகுட்டிகளம் லவன், குசன் பற்றிய அழகான தொகுப்பு. இக்கதையில் மணமுடிக்கும் போது சீதாவின் வயது, கானகம் சென்றபோது வயது, மகப்பேறின் போதுள்ள வயதை குறிப்பிடுவது அரிய தகவல்.
பொறுமையின் சிகரமான சீதா ஏன் பொங்கி எழுந்தாள்... வானளாவ புகழ்ந்து ராமகதைகள் சொல்லிய அவளது புத்திரர்கள் ஏன் ராமபிரான் மீது கோபப்பட்டு அஸ்வமேத யாகம் செய்யக்கூடாது என எதிர்த்தனர் என்பது போன்ற கேள்விகளுக்கு விளக்கம் அலாதியானது.
சீதாவின் குணநலன்களை விளக்கும் போதெல்லாம் நடப்பிலுள்ள நிகழ்வுகளை பெண்களின் வரலாற்றை ஒப்பீடு செய்கிறார். அந்தக்காலத்தில் பெண்கள் எப்படி இருந்தனர், இப்போது எப்படி உள்ளனர் என மனத்தாங்கலையும் வெளிப்படுத்திஉள்ளார். சீதை புத்திரர்களை மட்டுமல்ல, சீதை, ராம சகோதர்களின் மாண்பையும் விளக்குவது கூடுதல் சிறப்பு.
– எம்.எம்.ஜெ.,

வாசகர் கருத்து

No Comments Found!