Dinamalar Books

திருப்புகழ் மதிவண்ணன் பக்தி ரசம் சொட்ட சொட்ட இந்த நுாலை எழுதியுள்ளார், கச்சியப்ப சிவாச்சாரியார், அருணகிரிநாதர், ராமலிங்க அடிகள், நக்கீரர், தாயுமானவர், திருவள்ளுவர் போன்றவர்களின் படைப்புகளில் இருந்து மேற்கோள் காட்டி, சரளமான நடையில் தற்கால பாடல் வரிகளையும் புகுத்தி எழுதப்பட்டுள்ளது இந்த நுால்.

கந்தனின் பிறப்பு, வளர்ப்பு, அவரது திருவிளையாடல்கள், வேல் பெற்று அசுரரை அழித்தல், தேவியர் இருவரை மணத்தல் ஆகியவை இதில் விவரிக்கப்பட்டுள்ளது. கந்தனின் சரித்திரத்தைப் படிப்பவர்களுக்கு உடல் நலம், செல்வ வளம், ஆன்ம பலம் ஆகியவை கிடைப்பது நிச்சயம் என்று காஞ்சி மகா பெரியவர் கூறியிருப்பதற்கு ஏற்ப, இந்த நுாலைப் படிப்பவர்கள் கந்தன் கருணையையும், அருளையும் நிச்சயம் பெறுவர் என உறுதியாக கூறலாம்.