Dinamalar Books

குழந்தைகளை கண்ணே, மணியே, என் செல்லமே... என்று கொஞ்சி கொஞ்சி சீராட்டி பாராட்டுவதைப் போலிருக்கிறது ஸ்ரீமந் நாராயணீயம். பெருமாளின் ஒவ்வொரு அவதாரமாக கதையாக விவரித்து அந்த அவதாரத்தில் நடத்தப்பட்ட முக்கிய நிகழ்வுகளை ஸ்லோகங்களாக சொல்லி சொல்லி சரிதானா நாராயணா... என்று கேட்பதும், நாராயணன் அதற்கு தலையாட்டி ஆமென்றதும் அதிசய நிகழ்வு தான்.

ஸ்லோகத்தில் சொல்லப்பட்ட விஷயங்களை எளிய தமிழில் மொழிபெயர்த்திருப்பது இந்நுாலின் சிறப்பு. கண்ணா... கோகுலத்தில் இப்படி இருந்தாயே... பாண்டவருக்கு அருளினாயே... என் நோயை தீர்க்கமாட்டாயா என, பாடல்களின் முடிவில் கேட்பது தகப்பனிடம் மகன் உரிமையோடு கேட்பது போலிருக்கிறது.

பாடல்களின் முடிவில் நாராயணன் நேரில் வந்து அவரது வாதநோயை தீர்த்தது சிறப்பு. ஸ்லோகங்களை மனப்பாடம் செய்து நாராயணன் அருள் பெறலாம்.