Dinamalar Books

ஐ.ஏ.எஸ்., அதிகாரி கே.சிவபிரசாத் எழுதிய, ‘கீதா ஆச்சரன்’ என்ற ஆங்கில புத்தகத்தின் தமிழ் மொழிபெயர்ப்பாக மலர்ந்துள்ள நுால்.

பகவத் கீதையில் கிருஷ்ணர் அருளிய ஸ்லோகங்களை மேற்கோள் காட்டுகிறது. கீதை காட்டும் வழியை எளிமையான சொல்லாக்கம், ஆழமான கருத்தாக்கத்துடன் விளக்குகிறது.

முக்கியமாக...

1 அகங்காரத்தின் எத்தனையோ உருமாற்றங்களில் ஒன்றே ஈகோ

2 உண்மை மீதான பல்வேறு கருத்துக்களே இன்று உலகில் காணும் வேறுபாடுகளுக்கு காரணம்

3 தீய செய்கையை சிந்தனை நிலையில் விட்டொழிக்க, செடியாக இருக்கும் போதே வளைத்து விட வேண்டும்

4 கிருஷ்ணரிடம் அடைக்கலம் அடைந்தால் எல்லா துன்பங்களில் இருந்தும் விடுபடலாம்.

இதுவே பக்தியோகத்தில் சரணாகதி எனப்படுகிறது. இந்த செயலே பக்தியின் அடிப்படை. அகங்காரம் என்பது பலவீனம்; பயத்தின் அறிகுறி.

இது சக்தி, உடல், உடைமைகள் மற்றும் அதன் இருப்புக்கான அங்கீகாரத்தை நாடுகிறது. எனவே, பரமாத்மாவிடம் அனைத்தையும் விட்டுவிட வலிமையும், அச்சமின்மையும் தேவை.

குணங்களாலும், கர்மங்களாலும் மனிதர்கள் நான்கு வகையாக இருக்கின்றனர் என்பது உண்மை. ஆனால், பிரிவுகள் என்பது பாரம்பரியமானது; பிறப்பை அடிப்படையாகக் கொண்டது என்பது பொய்யாக கட்டப்பட்டது. இது போன்ற கருத்துக்கள் அள்ளித் தெளிக்கப்பட்டுள்ளன.

ஸ்ரீமத்பகவத் கீதைக்கு தமிழில் ஏராளமான பொழிப்புரை நுால்கள் வெளிவந்து இருந்தாலும், இதை படிக்கும் போது, ஆன்மிக வாழ்வில் புதிய அனுபவத்தை உணர முடியும்.

-– இளங்கோவன்

வாசகர் கருத்து

No Comments Found!