Dinamalar Books

பாடல்களை பல்வேறு தலைப்புகளில் பகுத்து நிரல்படுத்தித் தந்திருப்பது, படித்துப் புரிந்து கொள்ள எளிதாக உள்ளது. தெளிவான விளக்கங்களோடு மையக்கருத்திற்கேற்ப பண்டைய இலக்கியம், நாட்டுப்புறக் கதைகள், பழமொழி, திரைப்பாடல்களுடன் ஒப்பிட்டுக் காட்டப்பட்டுள்ளது.

விளக்கங்கள் பெரும்பாலும் குறள்களோடு ஒப்பிட்டுக் காட்டப்பட்டுள்ளது. ஊன்றிப் பார்க்கையில் திருக்குறள் அறங்களின் விரிவாக்கமாகவே விளங்குகிறது. உளநலம், உலகோர் நலம், அறச்சிந்தனைகளை வலியுறுத்தும் கருத்தாழம் கொண்ட பாடல்கள், இன்றைய சூழலுக்கும் பொருந்தி வருவதைக் காண முடிகிறது. அறக் கருத்துக்களை சுருங்க உரைக்கும் நுால்.