Dinamalar Books

பத்திரிகையாளர் பற்றிய, ‘எழுத்துக்கூலி’ கதை, இயல்பு வாழ்க்கையில் அரசியல்வாதிகள் நடந்து கொள்ளும் விதம் குறித்து மிக இயல்பாக சித்தரிக்கிறது. ‘சிரிப்பு’ என்ற கதையில் வீட்டை விற்கும் முதியவரும், அவரது மகளும் எப்படியெல்லாம் அங்கு வாழ்ந்தனர் என்பதை அசை போடுவது அழகாக எடுத்து கூறப்பட்டுள்ளது. கால மாற்றத்தால் சாலை உயரம் அதிகமாகி, வீடு பள்ளமானதை குறித்த இயல்பும் மனதில் பதியும்படி அழுத்தமாக சொல்லப்பட்டுள்ளது. நடுத்தர மக்கள் வாழ்வை எளிய நடையில் பிரதிபலிக்கும் சிறுகதை தொகுப்பு நுால்.