Dinamalar Books

அமுதின் இனிய அவ்வையார் பாடிய ஆத்திச்சூடி, கொன்றை வேந்தன், மூதுரை, நல்வழி ஆகிய நீதி நூல்களின் ஆங்கில மொழி பெயர்ப்பு நூல். பாடல்களின் வரிகளையும், கருத்துக்களையும் இரு மொழிகளிலும் தந்துள்ளார். ஆங்கிலத்தின் ஒலிபெயர்ப்பும், மொழி பெயர்ப்பும் சிறப்பாக அமைந்துள்ளன.

குழந்தைகளும், பெரியவர்களும் வாசிக்கும் வகையில் நீதி மொழிகளினந் ஆங்கில மொழிபெயர்ப்பு எளிமையாக, இனிமையாக அமைந்துள்ளது. ஆறுவது சினம் என்னும் ஆத்திச்சூடிக்கு, கோபம் கொள்ளல் ஆகாது எனத் தமிழிலும், ஆங்கிலத்திலும் விளக்கமும் கொடுத்துள்ளது சிறப்பாகும்.

இளமையும், அழகும் போய்விடும் என குழந்தை பெறுவதை தவிர்க்கும் தம்பித்து புத்தி சொல்ல, ‘சந்ததிக்கு அழகு வந்தி செய்யாமை’ எனும் கொன்றைவேந்தன் மூலம் விளக்குகிறார்.

நல்வழி பாடலில், மாணிக்கவாசக முனி மொழியும், திருக்கோவையார், திருவாசகம் என்பதே சரியான விளக்கம். இதை ஆங்கிலத்தில் முறையாக விளக்கியுள்ளார். அவ்வையாரின் நான்கு நீதி நூல்கள் ஆங்கிலத்தில் ஆக்கப்பட்டுள்ளன.
– முனைவர் மா.கி. ரமணன்

வாசகர் கருத்து

No Comments Found!