கறுப்பின மக்கள் பற்றிய படங்களை பற்றி விமர்சிக்கும் சுருக்கமான கட்டுரைகளைக் கொண்டுள்ள நுால். கறுப்பின மக்கள், பல நிலைகளில் அடிமைகளாக நடத்தப்பட்டு இருப்பதை வெளிச்சம் போட்டுக் காட்டியுள்ளது.
ஆப்ரிக்க கறுப்பின இளைஞர்கள் மீது, குற்றம் சுமத்தி வன்முறையாக கொல்லப்படுவதை ஒரு திரைப்படம் பதிவு செய்துள்ளது. வரலாற்றில் இருட்டடிப்புக்கு உள்ளாகிவரும் கறுப்பின திரைப்படங்கள் பற்றிய விபரங்களையும் தருகிறது.
பிரபல இயக்குனர்கள் பீப்ல்ஸ், ஸ்பைக் லீ, வோல்கர் ஷ்லாண்டார்ப் போன்றோர் கறுப்பின மக்கள் பிரச்னையை மையமாக கொண்ட படங்களால் புகழ் பெற்றதை பதிவு செய்துள்ளது. படங்களை பார்த்து, உணர்ந்த கருத்து, மணிச் சுருக்கமாக வெளிப்படுத்தப்பட்டுள்ளது.
நிற வாதத்தையும், வர்க்க முரண்பாட்டையும் ஆழமாகப் பதிவு செய்துள்ள சினிமாக்கள் பற்றிய விபரங்களை எடுத்துரைப்பது சிறப்பாக உள்ளது. கறுப்பினத்தில் வறுமைக்கோட்டிற்குக் கீழே வாழும் மக்களின் வாழ்க்கை துயரத்தை, வரலாற்றை அறிந்து கொள்ள வழிகாட்டும் நுால்.
– ராம.குருநாதன்