Dinamalar Books

துாய அன்பின் வெளிப்பாடு உண்மை வழிபாடு. வெறித்தனமாகக் காதல் கொண்டிருக்கும் தெய்வம், ‘நீ எதுவும் செய்ய வேண்டாம்; என்னிடம் வந்தால் போதும்’ என்று பறைசாற்றிய கீதையின் சாராம்சம் அன்பாகத்தானே இருக்க முடியும்.

நாத்திகருக்கும், பகுத்தறிவுவாதிக்கும் அருள் பொழியும் அன்பின் வடிவம் இறைவன். கீதையில், ‘இயல்புக்கு ஏற்றாற்போல் ஒரு தொழிலை தேர்ந்தெடுத்து கொள்ள வேண்டும். அதை முதலில் செய்யுங்கள்’ என்று தான் கேட்டுக் கொள்கிறான் கண்ணன். இயல்புக்கு எதிரான வேலையில் ஈடுபட்டால் தீங்கு விளையும் என்று கரிசனத்தோடு சொல்கிறான். இவ்வளவு அக்கறை கொண்ட கண்ணனைக் காதல் தெய்வம் என்று அழைப்பதில் தவறில்லை.