Dinamalar Books

சுவாரசியமான சம்பவங்களை உள்ளடக்கிய சிறுகதைகளின் தொகுப்பு நுால். பரிசு போட்டிகளில் வென்ற படைப்புகள் பல இடம் பெற்றுள்ளன.

‘கருடசேவை’ என்ற படைப்பு துவங்கி, ‘தீபாவளி போனஸ்’ வரை மொத்தம், 25 கதைகள் இடம் பெற்றுள்ளன. ஒவ்வொன்றும் வாழ்வை நெகிழ்ச்சி ஊட்டும் சம்பவங்களை மையமாக கொண்டு நினைவுகளை மீட்டு அசை போட வைக்கின்றன.

புத்தக தலைப்பாக அமைந்துள்ள ‘அபயம்’ கதையின் உள்ளீடு சற்று வேறுபட்டுள்ளது. மனைவி மீதான அபிப்ராயத்தை கணவன் நினைவில் இருந்து கனிவாக வெளிப்படுத்துகிறது. பிரிக்க முடியாத உறவாக மனதில் நிறைகிறது.

கதைகள் எதிர்பாராத திருப்பங்களுடன் சரளமான வாசிப்புக்கு உகந்ததாக அமைந்துள்ளன. நெஞ்சில் நிறைந்து நெகிழ வைக்கும் சிறுகதைகளின் தொகுப்பு நுால்.

– ராம்

வாசகர் கருத்து

No Comments Found!