Dinamalar Books

ஆன்மிகம் என்றால் கோவில் கோவிலாக சென்று, அங்குள்ள இறைவனின் சிறப்புகளை சொல்வது தான் என்கிற மாதிரி கம்போடியாவில் இல்லை. அங்கோர்வாட் ஹிந்து கோவிலில் நாம் பார்க்கும் சுவாமி சிலைகள் வித்தியாசமான அனுபவம் தரும்.

இறப்பு, இழப்புகளை தொடர்ந்து சந்தித்து வந்ததின் விளைவு, அங்குள்ளோர் முகங்களில் காணப்படும் மென்மையான சோகம் என்பதை ஆசிரியரின் எழுத்து வாயிலாக அறிய முடிகிறது. கோவில்களின் சிறப்பை அழகாக விவரித்து கொண்டே செல்வதால், நாமும் அங்கு செல்வது போன்ற உணர்வை ஏற்படுத்துகிறது.

புகைப்படங்களும் நம்மை கம்போடியாவுக்கு வந்து பாருங்களேன் என்று கூறுகிறது. எழுத்துக்கு சாட்சியம் கூறும் புகைப்படங்களுடன் நிறைவான பயணக் கட்டுரை படித்த உணர்வு ஏற்படுகிறது. இதுவும் ஒரு வகையில் ஆன்மிக பயணம் தான்.