சினிமா நடிகரும், இயக்குனருமான மனோபாலா, திரையுலக வாழ்வில் சந்தித்த அனுபவங்களை தரும் நுால்.
நடிகர் விஜயகாந்துடன் நடிகையர் நடிக்கத் தயங்கிய தகவல்களை சுவாரசியமாக கூறியுள்ளார். எம்.ஜி.ஆர்., மற்றும் கருணாநிதி தரப்பு அழைப்புகளின் போது செய்வதறியாது தவித்து, சமாளித்ததையும் பதிவு செய்துள்ளார்.
எம்.ஜி.ஆர்., இறுதிச் சடங்கில் சந்தித்த நிகழ்வை, நேரில் பார்ப்பது போல பதிவு செய்துள்ளார். சிவாஜி கணேசன், சரோஜா தேவி நடிப்பில் படம் இயக்கிய அனுபவத்தையும் பகிர்ந்துள்ளார்.
நகைச்சுவை நடிகர்கள் வடிவேலு- – சிங்கமுத்து பிரச்னை, விவேக் உடனான நட்பு, சந்தானம், சூரி, யோகிபாபு குறித்தும் பேசி உள்ளார். சினிமா ஆர்வலர்கள் விரும்பும் நுால்.
– முகில் குமரன்