Dinamalar Books

முருக கடவுளைப் பற்றிய தொகுப்பு நுால். அறுபடை வீடு கொண்ட கோவில்கள் மட்டுமல்லாது, குன்றத்தில் அமைந்த கோவில், குகைக் கோவில், குடவரைக் கோவில்கள் பற்றிய விளக்கம் இடம்பெற்றுள்ளது. இரண்டு பகுப்பாக அமைந்துள்ளது. முதற்பகுதியில் முருகனின் சிறப்புடன், 108 போற்றிகள் இடம் பெறுகின்றன.
இரண்டாவது பகுதி, 47 துணைத் தலைப்புகளை கொண்டுள்ளது. தமிழகத்தில் எல்லா மாவட்டங்களிலும் உள்ள முருகன் கோவில் சிறப்பும் தரப்பட்டுள்ளது. கர்நாடகா, கேரளா, இலங்கை, மலேஷியா, ஜெர்மனி, இங்கிலாந்து முருகன் கோவில் பற்றிய தகவல்களும் உள்ளன. ஆறுமுகத்தின் தத்துவம், அறுமுகங்களுக்குரிய பொருள் தனியே தரப்பட்டுள்ளது.
இங்கிலாந்து லெஸ்டர் நகரில் உள்ள முருகன் கோவில் ஈசானிய மூலையில், ஒன்பது கிரகங்களும் ஆயுதம் ஏந்தி தோன்றும் அரிய தகவலையும் பதிவு செய்துள்ளது. முருக கடவுளின் சிறப்புகளை வழங்கும் களஞ்சியம்.
– பேராசிரியர் ரா.நாராயணன்

வாசகர் கருத்து

No Comments Found!