Dinamalar Books

மாவட்டத்தைப் பற்றிய அறிமுகத்துடன் துவங்குகிறது. அங்கு நடந்த விடுதலைப் போராட்ட வரலாற்றை தொகுத்து சம்பவங்களுடன் விவரிக்கிறது. அறியப்பட்ட சுதந்திரப் போராட்ட வீரர்கள் என, 12 பேரையும், அறியப்படாத வீரர்கள் என பலரையும் அறிமுகம் செய்கிறது. உரிய ஆதாரங்களை திரட்டி பதிவு செய்துள்ளது.

தியாகிகள் பட்டியலில் இடம் பெறாதவர்களையும், குறிப்பிட்ட ஒரு பகுதியில் அதிகம் பேர் போராட்டத்தில் ஆர்வம் கொண்டிருந்ததையும் வரலாற்றுப்பூர்வமாக தெளிவாக உரைக்கிறது. இறுதியில் புகைப்பட ஆல்பம் ஒன்றும் உள்ளது. வட்டார அளவில் சுதந்திரப் போராட்டத்தின் உண்மையை விவரிக்கும் நுால்.