Dinamalar Books

அவள் அளித்த அன்புப் பரிசாக கைக்கடிகாரத்தை பார்த்து காலத்தை ஓட்டும் போது திடீரென அவள் மீண்டு வருகிறாள். மதுரை மீனாட்சி கோவிலில் ஆட்கொண்ட பேரழகு, இந்த நாவலில் நடைபயிலாமல் சக்கர நாற்காலியில் புன்னகையுடன் எதிர் கொள்வாள். இந்த தேவதைக்கா இந்த நிலை என்று மனம் கதறும். அறுவை சிகிச்சைக்கு பின் இறைவன் ஆயுளைத் தந்தானே என்று ஆறுதலும் சொல்லிக் கொள்ளும்.

காதலாகி கசிந்து கண்ணீர் மல்கி... என்று இறைவனை நினைந்து கசிந்துருகுவது போல அன்பு கொண்ட மனமும் கண்ணீர் மல்கும்.  எழுத்துக்களால் ஈர்க்கப்பட்ட தேவதையும், அறிவால் ஈர்க்கப்பட்ட ஆசிரியரும் சந்திப்பது அழகு. அவர்கள் பகிர்ந்து கொள்ளும் அன்புக்கதைகளை ‘நெஞ்சினில் ரஞ்சனி’ நாவலில் தெரிந்து கொள்வதே சிறந்தது.